Размер шрифта: A A A
Цвет сайта: A A A A
O`zbekiston Respublikasi Vazirlar Mahkamasining 1998-yil 11-iyuldagi "O’zbekiston avtomobil va daryo transporti agentligini tashkil etish to‘g‘risida"gi 296-son qarori bilan tashkil etilgan O`zbekiston avtomobil va daryo transporti agentligi avtomobil va daryo transporti sohasini tartibga soluvchi va nazorat qiluvchi davlat boshqaruv organidir.

Agentlikning vazifalari va vakolatlari yuqorida qayd etilgan qaror, shuningdek, O`zbekiston Respublikasining “Avtomobil transporti to`g`risida”gi Qonuni, O`zbekiston Respublikasi Prezidentining 2001-yil 4-iyundagi “Avtomobil transporti sohasida monopoliyadan chiqarish va boshqaruvni takomillashtirish to`g`risida”gi 2871-son Farmoni, Vazirlar Mahkamasining 2001-yil 5-iyundagi “Avtomobil transporti sohasida boshqaruvning tashkiliy tizimini takomillashtirish chora-tadbirlari to`g`risida”gi 245-son qarori, Vazirlar Mahkamasining 2004-yil 10-martdagi “O`zbekiston avtomobil va daryo transporti agentligi faoliyatini yanada takomillashtirish chora-tadbirlari to`g`risida”gi 118-son qarori hamda boshqa qator hukumat qarorlari bilan belgilab berilgan.

Avtomobil transportini boshqarish tizimini yanada takomillashtirish, avtomobil transportida tashishlar xavfsizligini ta’minlash hamda avtotransport xizmatlari bozorini shakllantirish va rivojlantirish maqsadida O'zbekiston Respublikasi Prezidentining 2018-yil 6-martdagi PQ-3589-sonli “Avtomobil transportini boshqarish tizimini yanada takomillashtirish chora-tadbirlari to‘g‘risida”gi qarori qabul qilindi.


O`zbekiston avtomobil transporti agentligining asosiy vazifalari quyidagilardan iborat: 

  • avtomobil transporti sohasida yagona texnik siyosatni amalga oshirish;
  • avtomobil tashishlarini amalga oshirishning normativ-huquqiy va yetodik bazalarini, shuningdek yo‘lovchilar va avtomobil transporta ob’ektlari xavfsizligini tashkil etishni takomillashtirish;
  • iqtisodiyot tarmoqlari va aholining, eng avvalo, respublikaning chekka hududlarida tashishlarga bo‘lgan ehtiyojlarini hisobga olgan holda, avtomobil transportini rivojlantirishning kompleks dasturlarini, shuningdek, avtomobil transporta xavfsizligini ta’minlash chora-tadbirlarini ishlab chiqish va amalga oshirish;
  • avtovokzallar va avtostantsiyalar faoliyatini markazlashtirilgan boshqarish va muvofiqlashtirish tizimini tashkil etish;
  • avtovokzallar va avtostantsiyalar, shuningdek joylardagi mahalliy ijro etuvchi hokimiyat organlari tasarrufida bo‘lgan umumiy foydalanish yo‘lovchilar yo‘nalishlaridagi to‘xtash bekatlarini loyihalash, qurish, rekonstruktsiya qilish va ta’mirlashni tashkil etish;
  • tashish jarayoni, harakatlanish sxemalari, rejalari, jadvallariga rioya etilishi yuzasidan markazlashtirilgan dispetcherlik nazorati va boshqaruvi tizimini joriy etish, aniq vaqt rejimida keng axborot xizmatlari ko‘rsatish;
  • yo‘lovchilarni yo‘nalishlarda tashishda tender mexanizmlari joriy etilishini amalga oshirish, yo‘lovchilarni sifatli va xavfsiz tashish, tender tashkilotchilari ishini muvofiqlashtirish yo‘li bilan avtomobil transporta xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta’minlash;
  • avtomobil transporti sohasida xalqaro hamkorlikni rivojlantirish; avtomobil transportida yuk va yo‘lovchilar tashishni litsenziyalashni amalga oshirish, avtomobil transportida yo‘lovchilar va yuklarni tashishni amalga oshiruvchi avtotransport vositalarida litsenziya varaqalarining mavjudligini nazorat qilish;
  • O’zbekistan Respublikasi hududida O’zbekiston Respublikasining xalqaro shartnomalarida nazarda tutilgan xalqaro avtomobilda tashuvlarni amalga oshirish shartlariga rioya etilishini nazorat qilish (O’zbekistan Respublikasi Davlat chegaralari orqali o‘tkazish punktlari bundan mustasno);
  • avtomobil transportida kadrlarni o‘qitish va ularning malakasini oshirishni, shu jumladan, transport xavfsizligini ta’minlash masalalari bo‘yicha tashkil etish;
  • safarbarlik vaziyatida va favqulodda vaziyatlarda avtomobil transporti safarbarlik tayyorgarligini ta’minlashda ishtirok etish.

Belgilangan matnni tinglash uchun quyidagi tugmani bosing Powered by GSpeech